Бидний хүсэл ба Монголын ирээдүй
2008-04-08 10:28:28
        Цаг хугацаа ямагт ирээдүй рүү тэмүүлдэг. Өнөөдөр нь ямагт ирээдүйд татагддаг гэдэг. Мэдээжийн хэрэг бид өнгөрснөөрөө амьдрахгүй нь үнэн.
        Удахгүй мөнгөтэй болохоороо шинэ байртай болно, машинаа сайжруулна, хүүхдээ сайн сургуульд явуулна гээд л ирэх он жилүүдийн тухай төсөөлсөн сайхан мөрөөдөл хүн бүрт бий. Хэн ч ирээдүйг муухайгаар хардаггүй байх. Би өөрөө, миний үр хүүхэд ирээдүйд сайхан орчинд амьдрах ёстой гэж тооцон өнөөдөр та бид цаг наргүй ажиллаж байгаа. Ийм л жирийн дундаж олны амьдрал тухайн орны хөгжлийн гол үзүүлэлт болдог байна.
Би Дональд Трамп, Роберт Кийосаки нарын хамтран бичсэн номыг уншсанаа санаж байна. Тэнд улс орны хүн ам зүйн бүтцийг 3 үндсэн хэсэгт хуваажээ. Баян, дундаж, ядуу гэж ангилжээ. Тухайн нийгэмд дундаж амьдралтай хүмүүсийн эзлэх хувь хэдий чинээ их байна, улс орны хөгжилд төдий чинээ эерэг нөлөөтэй гэсэн байх юм. Тэгвэл бид ямархуу байгаа болон ямар ирээдүй биднийг хүлээж байгаа талаар доор хүүрнэе.

"Бидний хүсэл ба Монголын ирээдүй" цааш унших »
Нийтэлсэн: AD, Нээгдсэн: 555, Сэтгэгдэл: 15, Жоорло
Хачин хайр
2008-04-07 08:46:34
Эхлүүлсэн өгүүллэгийнхээ үргэлжлэлийг хурдан бичиж блогтоо тавиарай гэсэн нөхдийн хүсэлтээр 4-р хэсгийг нь бичив. Үргэлжлэлийг удаасандаа хүлцэл өчье.

Нэгдүгээр бүлэг. Сэтгэлд мандсан наран

Мөрөөдлийн хурим

“Би түүнийг үнссээн. Би үнсчихсэн” гэж амандаа үглэх шахам шатаар уруудан бүжиглэх шахам явсаар машиндаа суулаа. Гэвч би түүнийхээ цонхны гэрлийг удтал ширтэж, цээж дүүрэн бахдалтай амьтан аз жаргалдаа умбан түүнийхээ байрны өмнө хэсэг зогслоо. Цонхных нь гэрэл унтрахыг хүлээж байсан уу гэлтэй би сая л нэг харихаар хөдөлсөн юм. Орондоо ороод утасныхаа дэлгэцэн дээрх түүнийхээ зургийг ширтэж байгаад унтсан байв.

Миний костюмыг захиалгаар оёж буй эмэгтэй рүү залгатал утсаа авдаггүй. Санаа зовж эхэллээ. Аз жаргалтай хуримын гайхамшигт өдөр “маргааш” байдаг. Нээрээ “Limousine Hammer” захиалсан маргааш цагтаа ирэх байгаа гэх бодлоор хуримын бэлтгэлээ шалгахаар бичсэн цаасаа авлаа. Бид хоёр хуриминдаа бэлтгэхгүй 2 хоног амралтанд эрхлэж хэвтсэн болохоор энэ бүхнийг цагийг нь тулгаж байж асууж байгаадаа тийм ч их харамссангүй.

"Хачин хайр" цааш унших »
Нийтэлсэн: AD, Нээгдсэн: 1348, Сэтгэгдэл: 10, Жоорло
26+26+24
2008-04-01 14:13:53
        Энэ тоог хүмүүс хараад юу гэдгийг нь гадарлахгүй байж мэдэх юм. Тэгвэл 76 гээд бичвэл одоо юу вэ гэдгийг нь шууд л мэдэх байх. Харин үүнийг яах гэж ингэж задлан томъёолох болсноо доор тайлбарлъя.

"26+26+24" цааш унших »
Нийтэлсэн: AD, Нээгдсэн: 896, Сэтгэгдэл: 5, Жоорло
Гайхамшигт амралт
2008-03-05 10:32:00
       Миний хувьд амралт гэдэг ойлголтыг мартах шахсан хоёр жилийг ажил гэрийн хооронд өнгөрөөсөн юм. Түүнээс өмнө жаахан амардаг, чөлөөт цагаараа фитнесээр хичээллэж, хааяа биллъяард тоглон, үе үе найз нөхөдтэйгөө салхинд гарах зэргээр хэрэндээ амарчихдаг байсан юм. Гэвч сүүлийн 2 жилийн хугацаанд уртсгасан цагаар ажиллах зүй ёсны шаардлагын улмаас 700 гаруй хоногийг сууж өнгөрөөсөн байна. За энэ ч яахав. Харин “Capital JC” гээд олон нийтийн байгууллагынхаа хэдэн нөхөдтэй Байгал нуурын эрэг дээрх “Соболиная” хэмээх уулын цанын баазад очиж амрах завшаан тохиолдож нийт 5 хоногийн аялал хийгээд ирлээ. Энэ бол миний хувьд хүүхэд наснаасаа хойш амарсан, эдэлсэн, алжаал тайлсан гайхамшигтай амралт, бас аялал байлаа.

"Гайхамшигт амралт" цааш унших »
Нийтэлсэн: AD, Нээгдсэн: 508, Сэтгэгдэл: 19, Жоорло
A Happy New Year
2007-12-31 14:27:16
Банжигчиддаа шинэ жилийн мэнд хүргэе.

2008 он Та бүхний хүсэл мөрөөдөлдөө хүрэх эхлэлийн жил байх болтугай.

Нийтэлсэн: AD, Нээгдсэн: 927, Сэтгэгдэл: 23, Жоорло
Ажилд авна. Цалин $1000
2007-12-22 12:10:15
    Цалингийн жишиг 1000 ам.долларт хүргэх цаг нэн удахгүй нь ээ.  Үүнийг хөгжиж байна гэдэг талаас нь бус, хөгжих шаардлага тулсан байна гэдэг талаас нь илэрхийлэхийг хүслээ. 1000 ам долларт хүргэхийн тулд цалингаа нэмэх ёстой гэхээсээ илүү нэмүү өртөг бий болгох үйлдвэрлэл, үйлчилгээг дэмжих цаг болжээ. Үүний үр дүнд цалин зах зээлийн жамаар, зах зээлийн зохицуулалтаар нэмэгдэх болно гэдэг үндэслэлээр хэлэхийг хүслээ.
    Одоогоос хоёр гуравхан жилийн өмнө л ажилд орох хүсэлтэй хүмүүсийн тоо зар мэдээний дийлэнх нүүрийг эзэлдэг байлаа. Тэр ч бүү хэл хүний эрх зөрчиж байна, царай зүс, нас хүйс, өндөр намаар нь голж байна гээд л хэл ам болдог байсныг бид сайн мэднэ. Гэвч энэ цаг ул болж шинэ цаг ирсэний дохио ажилтан хайгчидын зараар мэдрэгдэх болжээ. Та одоо гараад зар мэдээ ч юм уу аль эсвэл шуурхай зар сониныг аваад хар даа, үгүй бол өдөр тутмын аль нэг сонины хуудас сөхөөд хар. Ажилд авна гэсэн зар хэдэн нүүр дүүрэн байгаа хэдий ч ажилд орох зар нь зар нийтэлдэг сонины нэг нүүрний дөрөвний нэг ч хүрэхгүй, харин өдөр тутмын сонинд бол хэдэн мөр л байгааг хараад ойлгох болно.

"Ажилд авна. Цалин $1000" цааш унших »
Нийтэлсэн: AD, Нээгдсэн: 991, Сэтгэгдэл: 18, Жоорло
“Популист” Төрөөд дарлуулсан Далд гар
2007-12-03 22:10:46
Өгсөн гарчигийг минь хүмүүс хараад сумын хоёр атаманы тухай бичих гэж байна хэмээн ойлгох вий дээ. Гэхдээ л асуудал байна аа. Байна ч гэж дээ Төрөө гэж нэрлээд байгаа энэ нөхөр чинь одоо манай төр засаг юм шүү дээ.

Эрт урьд цагт төрсөн Төрөө энэ цагт төрөл арилжсан түүх

    Сүүлийн хэдэн жил төр нэрийн дор гарч ирсэн улс төрч гэх зэрэг “дэвтэн” бүхэн л популист хоосон цэцэрхэгчид болсон байна. Уг нь төр хэмээх энэ дарамт бүхий институци хоосон юм шүү дээ. Биежүүлж харагдуулахын тулд түүндзориулан ордон гээчийг бариад дотор нь зэрэг “дэвтэн” нэжгээдийг багтаан, гадна талд нь харуул хамгаалалт босгож иргэдээс тусгаарласнаар төр хэмээх үл үзэгдэх нэг “баагий” бий болгосон юм уу даа. Уг нь мунхаг миний сэтгэхээр бол төр хэмээх нь этгээдийг “ард түмэн” гэх олон нийт өөрсдийнхөө нийтлэг эрх ашгийг төлөөлөн зохицуулуулахын тулд сонгож, бас заримыг нь томилдог байх учиртай сан.

"“Популист” Төрөөд дарлуулсан Далд гар" цааш унших »
Нийтэлсэн: AD, Нээгдсэн: 563, Сэтгэгдэл: 10, Жоорло
Зөв хүн
2007-12-01 16:46:46
    Би хүн хүнтэй харилцахдаа яагаад хөшигний араас хэлээд байгаа юм шиг хоёр нүүр гаргадгийг ойлгохгүй юм. Тэгээд байгаа нь мэдэгдээд байхад “бяцхан хүүхэд нуугдаж байна гээд нүүрээ дардаг” шиг мэдэгдэхгүй байна гэж бодоод байдаг юм байх даа. Зарим нэг нөхөд “нээг их том хүн” болох гэж ядах юм, зарим нь улаан цайм өөрийгөө бодох юм, ярьж хэлж байгаа нь нөгөө хүнд нь ашиггүй байхад л зүтгээд байдаг. Зарим нөхөд бол ялангуяа “улстөрөөр хооллогчид”, тэднийг “горьдох залуус” худал хуурмагийг үнэн болтол ярих, хоёр нүүр гаргах гэдэгт улайран суралцаж байгаа бололтой. Илтгэх урлаг гэдэг шиг “итгүүлэх урлаг”-ийн том төлөөлөгчид.
    Энд би хүн уурлах, инээх, сэтгэлийн хөдлөлд автах зэрэгтэй эл асуудлыг холихыг хүссэнгүй. Зүгээр зөв хандлага, буруу хандлагын талаар бичихыг хүслээ.

"Зөв хүн" цааш унших »
Нийтэлсэн: AD, Нээгдсэн: 525, Сэтгэгдэл: 17, Жоорло
Чаддаг юм бол чанартай хийгээд үнэтэй зар л даа. Авъя
2007-11-13 21:20:35
Vitaminjuulaltiin bichlegiig unshaad ene sedveer bichiheer genet shiidsen yum.


   Хэт улс төржилтийн хажуугаар хармаа түнтийлгэх хүсэлд хэт автсан жижиг бизнесүүд ихсэж байх шиг. Үндэсний үйлдвэрлэл хэмээх цаасан малгайг хэлтгий тавьсан хэдэн нөхөд хөгжлийнхөө замд хөлөө жигдрүүлж чадаагүй байгаа бусдыгаа худлаа уруу татахаа одоо зогсоо. Та нарыг бодьё гэхээр ходоод өвдөөд байна. Юм үйлдвэрлэх гэж байгаа бол эхлээд намайг, наагуур чинь байгаа олон арван хүнийг бод. Бид юу хүсэж байна түүнийг л хийгээд өг л дөө.

"Чаддаг юм бол чанартай хийгээд үнэтэй зар л даа. Авъя" цааш унших »
Нийтэлсэн: AD, Нээгдсэн: 899, Сэтгэгдэл: 23, Жоорло
Сайн аав байхыг хичээж байна
2007-10-31 09:58:50
   
Энэ миний бяцхан гүнж

    Би үнэндээ бол тийм ч сайн аав биш ээ. Хичээж л байна. Эхлээд би өрхийн тэргүүн, тийм учраас миний үүрэг бол мөнгө олох л гэж боддог байлаа. Мөнгө олох гэсээр байтал цаг хугацаа урсан одсоор л. Одоо цаг шөнийн 1 цаг өнгөрч байна. Харилцагч компанийнхаа суурь судалгааны асуулгыг боловсруулж дуусчихаад бусад нөхдийн блогоор жаахан зугааллаа. Би ер бичихээс илүү унших, дуртай болоод байгаа шүү.
    Өнөөдөр манай охин хичээлдээ тааруу дүн авсан гээд багш нь намайг дуудсан байна. Маргааш очиж уулзана аа. Бага охин маань дөнгөж 6-хан настай нялх амьтан. Түүнийхээ хичээлийг хааяадаа л хийлгэх юм, ихэвчлэн “үндсэн үүрэг” хэмээн эндүүрдэг мөнгө олох ажилдаа хамаг цагаа зориулдаг миний хувьд сайн аавын үүргийг гүйцэтгэхэд нэлээд бэхшээлтэй байна.

"Сайн аав байхыг хичээж байна" цааш унших »
Нийтэлсэн: AD, Нээгдсэн: 705, Сэтгэгдэл: 34, Жоорло
Сайн үйлсийн гараа сунгасанд талархаж байна
2007-10-27 13:19:19


Амьдрал мөхлийн ирмэгт тулсан хүмүүс бидний эргэн тойронд төр засаг, ачтай буянтай хүмүүсийн ивээлийг хайрыг хүлээсээр. Энэ нийгэм өнөөдөр иргэдээ ийм байдалд ортол яагаад ингэж доройтов. Иргэн эрүүл аюулгүй орчинд амьдрах нөгөө Үндсэн хуулийн тунхаглал хаана байна.
Идсэн уусан нь хор болж, идээшиж дассан нутаг ус нь сүйдэж, эмнэлэг нь буруу оношоор будаа болгож, эргээд хариуцлага үүрдэггүй төрийн түшээдээр тугаа мануулсан бидний монгол хэзээ сэхэл авч, хэзээнээс хүн ард нь амар тайван амьдрах юм бол доо. Амьдрал хүнд байна гэх нэгнээ "Африкт төрөөгүй чинь л аз. Харин ч та нар жаргалтай ард түмэн" гэж хошигруулсаар хэдэн жилийг дахиад авахыг чөтгөр бүү мэд.

За за энэ бухимдлаа түр азнаж Амьдрах хүслээрээ, амьдралын сайн сайхныг бусдын л адил амтлах чин зүрхээрээ тэмүүлэн яваа Батзаяа охинд тусламж, сайн үйлсийн гараа сунгасан нийт хүмүүст талархал илэрхийлье.
Саяхан Солонгост очоод эмчилгээгээ эхэлсэн ч мөнгө нь дууссан тул аргагүй эрхэнд айлд байрлаж байсан Батзаяад Спирт Бал Бурам ХК сайн үйлсийн аяныхаа хүрээнд тусламжийн гараа сунгасан байна. Одоогоос нэлээд хэдэн сарын өмнөөс Амьдрах хүслэн хэмээх хөдөлгөөн өрнөж, түүнд туслахаар олон арван залуу өөр өөрийн боломж бололцоогоор нэгдэн, багахан хугацаанд хэдий ч хэн нэгнийхээ төлөө хүмүүс эвлэлдэн нэгдэж, ажиллаж болдог юм гэдгийг харуулсаар ирсэн. Элэг нэгт монголчууд маань эх дэлхийн өнцөг булан бүрээс тусламжийн гараа сунгаж байсанд бид талархаж байна.

Хэн нэгэнд туслана гэдэг бол үнэхээр гайхамшиг бөгөөд энэ нь тухайн хүний амьдрал хувь заяаг шийдэж байгаа үед бол бүр ч буянтай сайн үйлс болно. Иймээс Спирт Бал Бурам ХК-ийн удирдлага, нийт хамт олонд чин сэтгэлээсээ талархал илэрхийлж, сайхан сэтгэлийнх нь хариуг залуус бид чадах чинээгээрээ хариулах зорилгоор Амьдрах хүслэн хөдөлгөөнөөс уриалан талархалын банер аялуулж байна.

Эрхэм блогчид та бүхэн биднийг дэмжиж байвал энэхүү банерийг тодорхой хугацаанд өөрийн блогтоо байрлуулаарай.

Та бид хамтдаа сайн үйлсийг дэмжиж, чин сэтгэлийн тусыг үнэлж чаддаг, урамшуулж чаддаг байх нь энэ нийгэмд нэг ч болов эерэг хандлагыг бий болгож, эргээд олон олон байгууллага, хүмүүс бие биедээ туслах чин үйлсийг өрнүүлэхэд хувь нэмрээ оруулах болно.

Банерын код: <a href='http://www.sbb.mn/'><img border='0' src='http://blog.banjig.net/files/user_uploads/176792/sbb_baner_f501216d.jpg'/></a>
Нийтэлсэн: AD, Нээгдсэн: 257, Сэтгэгдэл: 12, Жоорло
Үүлэн чөлөөний нарыг ашиглагсад
2007-10-26 12:56:19
Энэхүү нийтлэлийг МАХН-ийн XXV Их хурлаас ажигласан сэтгэгдэлээр бичив.

МАХН-ын XXV Их хурал олон хоног яригдаж, олон шөнө хор найруулсан сүржин эхлэлтэй, хэрүүлийн өрнөлтэй, даржин төгсгөлтэй хурал боллоо. Хот хөдөөгөөс сонгогдон ирсэн олон төлөөлөгчдөөс 110-аад хүн үгээ хэллээ. Гэвч тэдэнд үзэл бодол хэмээх төлөшсөн ойлголтгүй, өрөөл бусдад наалдах содон шийдэлгүй, хоорондоо уралцаж, хормойноосоо зүүгдэцгээсэн хэдэн нөхдийн цаг гарзадсан ажил боллоо хэмээн олон нийт ярьцгааж байна. Социалист нийгмийг 70 жил тэргүүлэхдээ өчнөөн хүнийг хэлмэгдүүлэн цаазалж, үзэл суртлын хар хэргээр үй олон сэхээтнийг дарамтлан байсан энэ нам өнгө төрхөө өөрчилсөн нэрээр олон нийтэд харагдавч, өнгийгөөд хуралыг нь ажигласан олонд өрөөгөөр дүүрэн тарьсан хогийн ургамал аятай харагдана. Өөрөөр хэлбэл Ардчилсан намын дарга Ц.Элбэгдоржийн онош тавьснаар 600 гаруй авилгач хуралдаж байгаа бололтой. Авилга гэдэг бол нийгэмд ургуулсан хогийн ургамал. МАХН-ын хуучин гишүүдийн нэг Далайхүүгээс эхлээд бас бус ганц нэг хүмүүс ч гэсэн өөрсдийгөө тасалгаанд ургадаг цэцэг шиг, албан тушаал хөөцөлддөгөө больё гэж ирээд л зарлаж байна.  Харин олон нийт бол тэднийг авилгач намын хурал хэмээн харж буй тул тасалгаанд хүчээр ургуулсан хогийн ургамал аятай л харагдаж байгаа.
"Үүлэн чөлөөний нарыг ашиглагсад" цааш унших »
Нийтэлсэн: AD, Нээгдсэн: 213, Сэтгэгдэл: 7, Жоорло
Блогдох нь ...
2007-10-22 08:44:29
Блогчид иргэний сэтгүүл зүйд хувьсгал хийнэ

    Блог хэмээх шийдэл интернэт ертөнцөөс ч халин цаашлаад нийгмийн сэтгэл зүй, тэр ч бүү хэл сэтгүүл зүйд хүртэл хувьсгал хийж байна гэдэгтэй санал нийлэх хүмүүс олон байна гэдэгт би итгэж байна. Блог сонирхогчдын дийлэнх хэсэг нь өөрийн амьдралд тохиолдсон жирийн нэгэн дурсамжуудаа тэмдэглэлийн дэвтэр аятай буулгах хэдий ч тэр нь бусдад сонирхолтой байж түүний алдаа сургамжыг өөр хаанаас ч олж уншихгүй, өөр хэн ч түүн шиг зөвлөхгүй гэдгийг ч блогчид өөрсдөө мэдэж байгаа. Зарим нэг гайхамшигтай блогууд ч байна. Улс орны хөгжил, эдийн засгийн өсөлтийн талаар дорвитой зүйлс бичиж нийтэлж, өөрийн санаа бодлыг мөн тусгасан байгаа нь үнэхээр чансаатай. Ер нь сүүлийн үед манай залуусын бичлэгийн чанар чансаа дээшилж, бичихдээ заавал судлаж, харьцуулж ул суурьтай бичих хандлага ажиглагдах боллоо.

"Блогдох нь ..." цааш унших »
Нийтэлсэн: AD, Нээгдсэн: 882, Сэтгэгдэл: 13, Жоорло
Өнгөрсөн борооны хойноос …
2007-10-20 11:44:43
        “Өнгөрсөн борооны хойноос цув нөмрөв” хэмээх монголын эртний зүйр үг байдаг. Энэ үгийг олонтоо хэрэглэх хэдий ч үгийн утга чухам юуг хэлээд байгааг ойлгодоггүй бололтой. Хэн нэгнийг гэж онцлох гээгүй ч нийгэм тэр чигээрээ л буруу тийш хөврөөд байдаг. Бид чинь яагаад зөвөөр сэтгэж, зөв зүгт тэмүүлж болдоггүй улс вэ. Намайг жаахан байхад сэргийлэгч гэж гоё ажил байдаг байсан. Энэ бол одоо бодоход зөв нэршүүлсэн зөв ажил байсан бололтой. Гэвч энэ зөв юмыг хэн хэзээ, яагаад үгүй хийснийг мэдэхгүй юм.

"Өнгөрсөн борооны хойноос …" цааш унших »
Нийтэлсэн: AD, Нээгдсэн: 229, Сэтгэгдэл: 4, Жоорло
Онош
2007-10-19 11:04:06
        Онош хэмээх энэ дөрөвхөн үсэг хэн бүхний чихэнд байнга дуулдах боловч чухам нарийн учрыг нь ухаж ойлгох сэхээ бидэнд одоо алга болжээ. Бид гэдэг нь бидний цөөхөн монголчуудаа хэлээд байгаа хэрэг.
        Эмнэлэгт үзүүлэхэд эхлээд нэг онош тавьдаг даа. Уг нь яг зөв оношилчихвол тэр нь эмчилэхэд тун хялбар болж аль шатандаа өвчин яваа, хүндэрсэн үгүй эсэх, тэгээд ямар эм тариа хэрэглэх, хэр хугацааны эмчилгээ хэрэгтэй болох зэргийг тодотгож болдог. Гэвч онош гэдгийг таавар гэдэгтэй хутгах нөхөд олширч түүний улмаас өвчтөнөө буруу замаар будлиулах тохиолдол олон гарч байна. Саяхан л гэхэд сайхан сэтгэлт хүмүүсийн дэм тусаар Солонгос орныг зорьж эмчилгээ хийлгэж байгаа Батзаяа охины талаар нилээд хэдэн нийтлэл гарсан даа. Тэр хөөрхөн охин анх хоолойны ангина туссаныг нь манай “их мэдэх + их зантай” эмч нар солонгос кинонд олон гардаг цусны өвчин хэмээх оношыг тавьж буруу эмчилснээс өвчин нь хүндэрч хэвтэрт орж бараг л амь насанд нь хүрчихсэнгүй арай наагуур юм болж аав ээж нь асуудал гаргаснаар зөв замдаа орсон байх юм. Мэдэхгүй бол солонгос кино үзэж будаа идсэнээс шууд номоо аваад уншсан нь дээр баймаар юм...

"Онош" цааш унших »
Нийтэлсэн: AD, Нээгдсэн: 284, Сэтгэгдэл: 5, Жоорло
Мөнгө үү, сэтгэл үү?
2007-10-15 16:37:45
        Мөнгө гэдэг энэ ойлголт одоогоос хэдэн зууны тэртээ үүссэн эд. Анхлан хүмүүс өөрт хэрэгтэй зүйлсээ хэн нэгнээс авахын тулд өөртөө байгаа бусад юмсаар солилцох байдлаар өөр хоорондоо наймаалцдаг байжээ. Гэвч нийгмийн зохион байгуулалтад орсоноор бараа таваарын үнэлэмжид тохируулан солилцож болох үнэ цэнэтэй зоосон мөнгийг бий болгожээ. Мэдээж үүнийг эрх мэдэлтэй нэгний шийдвэрээр хийж, түүнийгээ улс орон даяараа хэрэглэхийг зарлигдсанаар мөнгөний далд хаанчилал бий болжээ.  
       

"Мөнгө үү, сэтгэл үү?" цааш унших »
Нийтэлсэн: AD, Нээгдсэн: 422, Сэтгэгдэл: 6, Жоорло
Тэр одоо диваажинд байгаа
2007-10-14 12:36:47
Түүний нэрийг Тунгалаг гэдэг байлаа. Хорвоог гэрэлтэй харах хүсэл, хувь заяатайгаа эвлэрч амьдралд бууж өгөөгүй зориг хатуужил, сэтгэлийн тэнхээг хоёр сайхан хүүхэд нь түүнд өгсөн юм. Туулж өнгөрүүлсэн богинохон агаад хатуу амьдрал, түүнтэй учирсан “эрийн муу нөхөр нь" энэ бүхэн түүнийг сөхрүүлээгүй юм.

"Тэр одоо диваажинд байгаа" цааш унших »
Нийтэлсэн: AD, Нээгдсэн: 514, Сэтгэгдэл: 14, Жоорло
Цас буруутай
2007-10-08 09:45:35
Цагаан мөнгөн шөнө байсан
Цаг оройттол ажилдаа шимтсэн шөнө байсан
Цасан ширхэг хаялсан өвлийн дулаахан үдэш байсан
Цаанаа л нэгийг зөгнөх уйтгар тээсэн үдэш байсан
        Цас цав цагаахан ч
        Цагаахан хайрыг минь харанхуй болгосон

Утас дуугарахад тэр минь удах үгүйг минь асуусан
Урдаас чинь тосоод гарья гээд үг сонсолгүй утсаа тавьсан
Цонхоор будрах цасан ширхэг түүнийг минь хуурсан
Цайлган сэтгэлээр нь уруу татан хайртыг минь авч одсон
        Цас цав цагаахан ч
        Цагаахан хайрыг минь харанхуй болгосон

Тэр минь цагаахан сэтгэлтэй бүсгүй байлаа
Тэргэл саранд надтайгаа зуугаална гэж бодсон байлаа
Цав цагаан цасан дээр хайрын мөрөө хамтдаа үлдээхээр
Цааш юу болохыг ч анзааралгүй цасанд хууртсаар гарсан байлаа
        Цас цав цагаахан ч
        Цайлган сэтгэлд минь хар толбо үлдээсэн

Яаран би өөдөөс нь гарсан
Яагаад ч юм сэтгэлд нэг л биш санагдсан
Тиймээ тэр шөнө миний хайрыг аваад тэнгэрт одсон
Тэргэл саран өөрөө гэрч болон үлдсэн
        Цас цав цагаахан ч
        Цайлган сэтгэлд минь хар толбо үлдээсэн


Давс хэдий амтлах чанартай ч ихдэхээрээ шорвог гэдэг
Хайр хэдий жаргалтай ч төгсөхөөр гачилантай
Цас хэдий цагаахан ч
Хайлахаараа шавартай ажээ.


AD. 2007.10.07
Нийтэлсэн: AD, Нээгдсэн: 409, Сэтгэгдэл: 25, Жоорло
Учирах л байж дээ чамтайгаа
2007-10-06 17:50:48
Урдаас минь ширтэх сайхан нүдийг хараад
Уулзсаныхаа дараа харамсах ч шиг,
Урсан өнгөрөх энэ олон жилийн дараа
Уулзсан минь хожимдол байсан юм.

Нэг л шөнийн дотор би түүнд дассан байв
Нэгхэн л шөнө гэхэд дэндүү сайн мэдэх юм шиг
Нэрээ бид хоёр өмнө уулзсан бол гэж
Нэг нэгэндээ шүүрс алдах нь хожимдсоныг илэрхийлнэ.

Олон бүсгүйтэй учирч
Олон цэцэг бэлэглэж явсан ч
Ганц ч цэцэг бэлэглээгүй түүнд
Ганц шөнийн дотор нам татагдав.

Бурхан бидэнд ийм л замыг зурж өгч
Буцаад очдог бол уулзварыг нь ойртуулахаар хол замыг зааж өгчээ
Уулзах ёстой уулзвар нь ногоон гэрэлтэй байсан ч
Учирахаасаа өмнө тэр надад ирэхээргүй болсон байлаа.

Чи минь ингэхэд хаана байсан юм бэ гээд түүнийг уйлахад
Хаана байснаа ч хэлэхэд хэцүүхэн энэ асуултад
Хариулах гэж хорвоогийн амьдралаа тунгаасан би
Хожимдсон л юм байна гэхээс өөрийг олоогүй ээ.

Хувь тавилан гэдэг хүнээсээ хамаардаг ч
Хуурамч энэ хорвоод төөрөх л тавилан байдаг юм байна
Ийм зам амьдралд олон байвал
Эргээд эхлэлдээ очих тэмдэглэгээг нь мартваа бурхан минь.

AD. 2007.10.06



Нийтэлсэн: AD, Нээгдсэн: 314, Сэтгэгдэл: 16, Жоорло
Та 50000 төгрөгийн шагнал хүртлээ
2007-09-03 11:36:36
XooX сэрүүн ундааны мессэжний уралдааны шалгаруулалт:

Юуны өмнө энэхүү бяцхан шалгаруулалтад оролцсон залуус та бүхэнд талархалаа илэрхийлье. Та нарын зохиосон мессэжнээс ашиглаж болох олон хувилбар байна. Иймээс бид журмандаа бага зэрэг өөрчлөлт орууллаа.
Бид ирүүлсэн мессэжнүүдээс дараах 3 оролцогчийн мессэжийг сонгон авч байр эзлүүлсэн болно. Тиймээс бид шагналын санг бага зэрэг нэмж 2, 3-р байр эзлүүлсэн бөгөөд хэрвээ оролцогчид зөвшөөрсөн тохиолдолд шагналыг олгон бид мессэж үгийг ашиглах болно.

Нэгдүгээр байрт:         50000 төгрөг
Оролцогчийн нэр:            ttulga1977
Дугаар:                             27
Санал өгсөн огноо:          | 2007-08-24 18:50:43
Зохиосон мессэж:             “XooX … надаа л даа.”

Хоёрдугаар байрт:      30000 төгрөг
Оролцогчийн нэр:             siireg zaluu
Дугаар:                              04
Санал өгсөн огноо:          | 2007-08-11 16:52:53    
Зохиосон мессэж:             Санаанаас гардаггүй сайхан амт

Гуравдугаар байрт:    15000 төгрөг
Оролцогчийн нэр:             claus
Дугаар:                              25
Санал өгсөн огноо:          | 2007-08-20 00:01:14
Зохиосон мессэж:             Анддаа хэл, одоохон дамжуул

1, 2-р байрт шалгарсан оролцогчид e-mail хаяг болон холбогдох утсаа дараах хаяг руу илгээнэ үү. Бид оролцогчдийн та бүхний ирүүлсэн хаягаар холбогдож таны PC ID-ийг тодруулсны дараа шагналыг олгоно.

Õàÿã: dr.amur@yahoo.com

Нийт оролцогчдод дахин талархал илэрхийлье.

Мөрөөдлийн Хотхон ХХК
XooX ундаа
Нийтэлсэн: AD, Нээгдсэн: 306, Сэтгэгдэл: 1, Жоорло
: 1 :: 2 :
(Нийт: 38)