2007-10-31 09:58:50
Энэ миний бяцхан гүнж
Би үнэндээ бол тийм ч сайн аав биш ээ. Хичээж л байна. Эхлээд би өрхийн тэргүүн, тийм учраас миний үүрэг бол мөнгө олох л гэж боддог байлаа. Мөнгө олох гэсээр байтал цаг хугацаа урсан одсоор л. Одоо цаг шөнийн 1 цаг өнгөрч байна. Харилцагч компанийнхаа суурь судалгааны асуулгыг боловсруулж дуусчихаад бусад нөхдийн блогоор жаахан зугааллаа. Би ер бичихээс илүү унших, дуртай болоод байгаа шүү.
Өнөөдөр манай охин хичээлдээ тааруу дүн авсан гээд багш нь намайг дуудсан байна. Маргааш очиж уулзана аа. Бага охин маань дөнгөж 6-хан настай нялх амьтан. Түүнийхээ хичээлийг хааяадаа л хийлгэх юм, ихэвчлэн “үндсэн үүрэг” хэмээн эндүүрдэг мөнгө олох ажилдаа хамаг цагаа зориулдаг миний хувьд сайн аавын үүргийг гүйцэтгэхэд нэлээд бэхшээлтэй байна.
Жаахан оройтоод очихоор хоёр хүүхэд минь унтсан байх юм. Ах нь одоо гуравдугаар ангид сурдаг, биеэ даасан том эр. Өөрөө хичээлээ хийчихдэг мундаг жаал бий. Шатар сонирхоно, орос сургууль учраас хичээлээс гадуур хийх ажил нэлээд их. Харин охин маань дэндүү балчир байна аа, биеэ даах ч болоогүй учир хичээлдээ тааруу байгаа нь муу аавын л буруу. Охиноо хичээлээ хийж чадаагүй гээд уйлахаар нь өрөвдөөд өөрийгөө л жаахан зүхэж сууна. Гэхдээ өнөөдрөөс охинтойгоо орой бүр хичээл давтана. Заавал цаг гаргана.
Бид гурав амралтын өдрүүдээр л гадуур хамтдаа зугаалдаг. Бусад өдрүүдэд аавыгаа ажилтай болохоор намайг нэг их зовоохыг хүсдэггүй ухаантай хүүхдүүд. Гэвч хүүхэд л юм болохоор тоглож наадахыг хүсдэг л байх. Аавтайгаа хамт байх нь тэдэнд маань хамгийн аз жаргалтай гэдгийг би ухаарсан. Хар багаасаа л “ааваа би бие засая”, “ааваа би хоолоо идье, ааваа би хувцасаа өмсөе, ааваа…” гээд л бүх л зүйлийг аавтайгаа хамт хийж ирсэн юм чинь аргагүй шүү дээ.
Аав байна гэдэг том ажил. Хамгийн гол шинж нь хайр юм билээ гэдгийг би одоо сайн ойлгодог. Мөнгө биш ээ. Чухал хэдий ч мөнгө бол аавын хайрын араар л зогсоно. Мөнгө олж байна, юугаар ч дутаагаагүй гэдэг бол хайрлаж байна гэсэн үг биш ээ. Үүнийг хамгийн их ойлгуулсан хүн бол миний хүү. Би хүүгээ “Чи хичээлээ сайн хийсэнгүй. Аав нь мөнгө олох гэж өдөр шөнөгүй ажиллаж байхад чи…” гэж ирээд нэг удаа загнасан юм. Тэгэхээд том алаг нүднээсээ бөөн бөөн нулимс унагаад зогсож байсан тэр жаахан хүү маань дараа нь эмээдээ би хурдан том болоод аавдаа туслаж ажил хийнэ ээ” гэж хэлсэн гэхээр нь би дараа нь өөртөө гомдож билээ. Тиймээс би мөнгөөр, хоолоор, хувцас хунараар дутаагаагүй ч хайраар, халамжаар дутааж байгаагаа л мэдэрсэн. Тэд чинь хүүхэд шүү дээ.
Бид гурав гэж ийм л нэгэн гэр бүл амьдарч байна.
Сэтгэгдэлүүд:
Gexdee sanaachilgatai bj zav gargaval boloxgui yum gej bxgi bx aa.Xuuxduudedee tsag gargay gedeg chini mash zov shuu.Za chamd amjilt xusye.
Ийм сайхан аавын хүүхдүүд ухаантай, сайн хүмүүс болно гэдэгт итгэж байна.
за таньд амжилт шүү. мэдээж таны ажил хийж байгаа чинь хүү охин 2-ынхоо төлөө л юм чинь зүтгээд л бай. зүтгээд л бай. гэхдээ хайр халамжаа бас мартаж болохгүй. гүрвэлийн нүд 2 тийшээ хөдөлж чаддаг бол та ч бас 2 тал руугаа анхааралл тавьж чадна гэсэн үг дээ.
Odoo hurtel end setgegdel uldeej bgaad tun ih talarhaj bna.
Uneheer sain aaw bnashdee uuriiguu buu goloo,huuhed usguj humuujuulen gedeg tom hariutslaga shuudee ene bugd chiniil huuhduudee gesen setgel.
Ta 3 t az jargal husiy urgej uudrug bgaarai!!!!!!!!
blogt mini zochilsond talarhlaa. Tiimee FM 104.5 iin setguulch Myagmarsuren geed setguulch sanal taviad bi uuniig tednii radiogoor unshsan yum aa. Gehdee ene bol minii chin setgeliin ug baisan bolood ch ter uu daraa ni uuruu sonsson saihan ch yum shig sanagdsan.
Сэтгэгдэл үлдээх: